Новиот петгодишен мандат на францускиот претседател Емануел Макрон официјално почнува следниот понеделник, но анкетите укажуваат дека граќаните се песимисти во однос на неговата желба за „трансформација“, јави дописникот на МИА.
На 13 април 2020 година, за време на говорот со кој го објави календарот за излегување од рестриктивните анти-ковид мерки тој побара да се размислува надвор од рамката. – Да знаеме, во овој момент, да размислуваме надвор од рамката, идеологиите, повторно да се измислиме себеси – почнувајќи од мене“.
Две години подоцна, и покрај неговиот реизбор, се чини дека јавното мислење останува не верува во таквото ветување. Според анкетата на Одокса БакБон-Консултинг за париски „Ле Фигаро“, 65 отсто од Французите сметаат дека претседателот на Републиката не е променет од 2017 година.
Ист процент на испитаници, исто така, верува дека Емануел Макрон „не научил од своите неуспеси и грешките“. Со оглед на тоа што 72 отсто предвидуваат дека шефот на државата нема да го промени начинот на водење, тој внимава на изборот на идниот владин тим.
Во однос на најавената пензиска реформа, што беше една од главните точки на неговиот втор петгодишен мандат, само 50 отсто од Французите веруваат дека Макрон ќе успее да го спроведе својот проект. Исто така, 49 отсто предвидуваат дека нема да може да ги исполни своите ветувања. Уште е посилен песимизмот кога станува збор за подобрување на куповната моќ (67 отсто стравуваат дека тој нема да ја оживее) или за зајакнување на безбедноста (68 отсто се на спротивно мислење).
Единствените позитивни точки за Емануел Макрон на почетокот на неговиот нов мандат: неговите карактеристики на имиџот. Ако станарот на Елисејската 40 отсто од Французите го сметаат за добар претседател, 65 отсто од неговите сонародници го сметаат за динамичен, а 56 отсто за храбар. Квалификуван како брутален на почетокот на годината од 59 отсто од јавноста – стапка засилена со неговата желба да ги „налути“ невакцинираните- Емануел Макрон е таков само за 49 отсто. Во слична пропорција се фалат и неговите вештини на чело на државата.
Еден месец пред парламентарните избори, помалку од мнозинството Французи (40 отсто) конечно очекуваат Националното собрание да биде кочница за политиката на претседателот на Републиката. Многу повеќе се плашат од опозицијата на улица (53 отсто) и од граѓанското општество (45 отсто), односно стравуваат од ново социјално движење, како она од „жолтите елеци“ кои ја парализираа земјата неколку месеци.
Извор: МИА