Турција подготвува нов проект што ќе овозможи доброволно враќање на еден милион сириски бегалци во нивната земја, изјави денеска турскиот претседател Реџеп Таип Ердоган, јави агенцијата Анадолија.
– Проектот ќе се реализира наскоро со поддршка на националните и меѓународните невладини организации, рече Ердоган на церемонијата за инаугурација на новите куќи изградени во Идлиб во северна Сирија.
Ердоган присуствуваше на церемонијата преку видео-врска.
Тој рече дека „откако Турција ги започнала своите прекугранични операции во 2016 година, околу 500.000 Сиријци се вратиле во безбедните зони во северна Сирија“, пренесе Анадолија.
Извор: МИА