Роберт Левандовски една година пред истекот на договорот има намера да го напушти Баерн. Информацијата ја објави еден од најпознатите германски новинари, Кристијан Флак.
Левандовски решил дека му треба нов предизвик во кариерата. Според Флак, Баерн нема намера да му ја исполни желбата.
Наводно од Барселона му понудиле 30 милиони евра по сезона, што ги прави челниците на Баерн особено нервозни, тврди Фалк.
Доколку Левандовски го напушти Минхен, тогаш челниците на Баерн ќе се обидат да го донесат Себастиен Халер, 27-годишниот напаѓач на Ајакс, за кого интерес покажале Манчестер јунајтед и Борусија Дортмунд.
Каталонскиот „Мундо депортиво“ наведува дека Левандовски веќе учи шпански и истакнува дека преговорите ги води агентот на полскиот напаѓач Пини Захави, кој е во многу добри односи со претседателот на Барса, Жоан Лапорта.
Првата задача на Захави е да го убеди Баерн да прифати околу 40 милиони евра, колку што Барселона е подготвена да понуди за откуп на договорот.
Левандовски, во Баерн пристигна бесплатно, во 2014 година од Борусија Дортмунд.