Бугарските социјалисти нема да испратат свој претставник во делегацијата на премиерот Петков во Киев

Од:

Раководството на Бугарската социјалистичка партија, која е дел од четиричлената владејачка коалиција, одлучи да не испрати свој претставник во делегацијата предводена од премиерот Кирил Петков утре ќе го посети Киев, јави дописникот на МИА од Софија.

Раководството на БСП смета дека има доволно информации за ситуацијата во Украина и за последиците од војната во Украина. Бугарските социјалисти уште еднаш ја изразија својата поддршка за испраќање помош во Украина, но дека таа треба да биде хуманитарна и поврзана со заштитна опрема, лекови и медицински материјали и средства за обновување на цивилната инфраструктура. БСП останува на ставот дека нема да гласа за испраќање воена помош која вклучува муниција и смртоносно оружје.

Учесниците на состанокот на раководството на Бугарската социјалистичка партија очекуваат одлуката за целосна поддршка на Украина да биде донесена во Софија, по консултации меѓу коалиционите партнери, со што ќе се затвори прашањето и владата ќе се концентрира на надминување на други приоритетни прашања како што е инфлацијата, приходи, економски раст, социјална политика. Одлуката е донесена со апсолутно мнозинство, со само еден воздржан.

Во исто време пратеничката група на партијата на Слави Трифонов ќе гласа по сопствена совест и покрај оценката на нејзиниот лидер дека треба да и се даде воена помош на Украина. Утре делегација предводена од премиерот на Бугарија Кирил Петков ќе замине за Киев.

Извор: МИА

Би можело да ве интересира

НАТО сака Украина да биде напредна суверена држава откако ќе се постигне мир

Орбан: Се подготвува мобилизација на Унгарците од Закарпатија

Руски напад на Криви Рог: Најмалку 18 загинати, меѓу кои и девет деца

Зеленски: Украина нема да ги признае окупираните територии

Каволи: Украина реши некои од нејзините недостатоци во екипирање трупи кои се борат против Русија

Бугарската влада на Росен Желјазков го преживеа гласањето за недоверба