Украинскиот претседател Володимир Зеленски изјави дека елиминацијата на украинските борци во Мариупол ќе стави крај на преговорите со Русија.
Зеленски за „Украинска правда“ изјави дека „Мариупол може да биде како десет Бороѓанки“.
„Сакам да кажам дека елиминацијата на нашата армија, нашите момчиња, ќе стави крај на сите преговори“, рече Зеленски.
Тој додаде дека Украина „нема да тргува со својата територија или со својот народ“.
Руското Министерство за одбрана објави дека целиот урбан дел на Мариупол е исчистен од украинските сили, а во фабриката за челик Азовстал останале само неколку борци.
Министерството објави дека украинските сили изгубиле повеќе од 4.000 луѓе во опколениот пристанишен град, пренесе агенцијата РИА.
Руските сили веќе неколку недели се обидуваат да окупираат Мариупол.