„Спасовски, Мојсова и Бубевски не можат да ја исперат одговорноста од себе дека криеја убиство, оставки веднаш. Потребно беше медиумите да објават снимка од која се гледа дека станува збор за очигледно убиство за Спасовски да изјави дека МВР ја има снимката. Медиумите и јавноста направија притисок, па институциите почнаа да менуваат изјави“, соопшти ВМРО-ДПМНЕ.
„Спасовски првин тврдеше дека е несреќен случај, а истото го тврдеше и КАРИЛ. Од КАРИЛ, со која директорува Мојсова првин кажаа дека на телото немало видливи траги од насилство, за на крај откако излезе снимката истата да каже дека Тот можеби имал прекин на кислород и дишењето по првиот удар.
Спасовски, Мојсова и Бубевски наместо со стручни и издржани изјави, кои би биле навремени, преку медиумите откако првин во јавноста ќе биде објавено глумат експерти и аналитичари, давајќи мислења и заклучоци.
Ништо не ги пере Спасовски и СДСМ дека се обидоа да сокријат убиство, ниту дефокусирањето со немањето лиценца за дискотеката, која нивните инспектори дозволиле да работи и не ја затвориле. Одговорноста мора да дојде од Спасовски лично. Оставка веднаш“, се наведува во соопштението на ВМРО-ДПМНЕ.
