Финска се подготвува до крајот на јуни за потенцијално историска одлука за својата кандидатура за членство во НАТО, со цел да ја одврати руската агресија, пишува денеска АФП.
Финска, нордиска држава со 5,5 милиони жители, во врска со воените прашања, традиционално застана на страна, делумно за да не го испровоцира својот источен сосед, Русија, со која ја дели границата долга 1.300 километри.
Но, руската инвазија на Украина на 24-ти февруари ја удвои поддршката на финските граѓани за членство во НАТО од 30 на 60 отсто, според серијата анкети.
Финска, заедно со Шведска, доби јавно ветување од генералниот секретар на Унијата, Јенс Столтенберг, дека ќе ја држи отворена вратата на алијансата, a доби изрази на поддршка од многу членки, како што се САД, Обединетото Кралство, Германија, Франција и Турција.
Но, Кремљ веројатно ќе го сфати обидот на Финска да се приклучи на НАТО како провокација, бидејќи проширувањето на сојузот предводен од САД до руските граници е првостепен безбедносен проблем за руските власти.