Независниот руски портал Медуза го реконструираше масакрот во Буча. Медуза дошла до снимката од дрон за која вели дека е направена во периодто меѓу 23 и 30 март, во време кога руските војници биле во градот.
Овој портал тврди дека видеото е доказ дека злосторствата и убиствата се извршени во време кога руските војници биле во Буча.
Снимките од дрон покажуваат уништени улици и тела на патот. Новинарите на Медуза ја споредија снимката од дрон со фотографиите направени на лице место.
„На овие снимки можете да ги видите телата на убиените како лежат на улицата Јаблонска, како и на неколку соседни улици. Ги лоциравме локациите на телата и тие целосно се совпаѓаат со локациите на телата преземени од украинската полиција и новинарите на 1 и 2 април откако Русите се повлекоа“, пишува Медуза.
„Важно е да се напомене дека сите мртви снимени од воздух лежат не само на исто место, туку и во иста положба како на сликите направени од земја“, нагласува Медуза.