Индонезискиот висок суд денеска осуди директор на интернат на исламското училиште на смрт поради силување на најмалку 13 ученички во текот на пет години, од кои некои останале бремени.
Хари Вираван претходно беше осуден на доживотен затвор, но, обвинителите се жалеа и побараа смртна казна.
Директорот на женското училиште во Бандунг, Западна Јава, се изјасни за виновен и им се извини на своите жртви и нивните семејства за време на судењето.
Тој е обвинет дека силувал најмалку 13 ученици на возраст од 11 до 14 години во училиште, хотелска соба или изнајмен стан во периодот од 2016 до 2021 година.
Наводно, некои девојчиња останале бремени и се родиле најмалку девет бебиња.
Извор: МИА