Франција се обидува да добие дополнителни испораки на гас и нафта од земјите од Персискиот Залив наместо испораките од Русија, изјави министерот за надворешни работи Жан-Ив Ле Дриан.
Шефот на француската дипломатија вчера отпатува за Катар, Оман и Кувајт, објави Министерството, пренесува ДПА. Ле Дриан таму одржува разговори за добивање нафта од Кувајт и гас од Катар и од Оман.
Во Катар, Ле Дриан го даде и почетниот сигнал за стратешки дијалог меѓу двете земји. Фокусот ќе биде ставен на енергенси, одбраната, борбата против тероризмот и инвестициите во економијата.
Извор: МИА