Првиот круг од претседателските избори во Франција ќе се одржи за нешто повеќе од две недели, а регистрацијата на гласачите е завршена, па така, 48,7 милиони Французи ќе можат да излезат на гласање за да го изберат идниот шеф на државата, односно 1,5 милиони повеќе отколку во 2017 година, кога беа 47,2 милиони, јави дописникот на МИА.
Според Националниот институтот за статистички и економски студии(ИНСЕЕ), 95 отсто од Французите со право на глас сега се запишани на гласачките списоци и ќе можат да гласаат на 10 и 24 април.
Доколку веќе не може да се запишат, останува уште време да се провери нивната регистрација и да се направи полномошно, во случај на неможност да се оди на нивното избирачко место. Полномошното сега може делумно да се врши преку Интернет, но секој што ќе го делегира својот глас на трето лице мора да оди во полициска станица за да го потврди својот идентитет.
Од 2019 година, формиран е единствен избирачки регистар (РЕУ) за централизирање на регистрациите на изборните листи, претходно групирани заедно на општинските листи. До 4 март 2022 година над четири милиони гласачи навистина се запишале или пререгистрирале на избирачките списоци. Од доброволните регистрации, повеќе од два милиона се направени онлајн.
Како новина, на избирачките книшки сега е заведен и национален избирачки број. Тој ги олеснува процедурите на интернет, како што е аплицирање за полномошно, и го олеснува пронаоѓањето на вашето избирачко место. Дали овие промени ќе имаат забележително влијание врз излезноста останува да се види.
Според анкетата на Одокса Бакбон Консултинг за Фигаро, објавена минатата недела, 65 отсто од Французите најавуваат апстиненција на изборите, што е без преседан. Речиси секој четврти испитаник, односно 24,4 отсто може да не излезе на гласање на 10 април.
Извор: МИА