Според водечкиот германски магазин Auto Bild, BMW ќе го воведе во својата понуда монструмот од теренец X7 во 2018 година.
Ќе ја користи платформата од наследникот на X5/X6. Со масовна примена на алуминиум, магнезиум и карбон тежината на оваа моделска гама ќе се намали и до 350 килограми.
Покрај силните дизели, под хаубата ќе работи осумцилиндарец со двојно турбонатполнење и моќност од 500 КС, а ќе се нуди и хибридна изведба. Најсилен меѓу дизелите ќе биде X7 M50d со 400 КС и четири турбополначи.
Претходно, баварската марка ќе ја заокружи понудата на теренци со основен модел. Новиот X4 ќе биде теренска изведба на серијата 3, која штотуку се збогати со комбилимузината GT и со купето од серијата 4.