Социјал-демократите преку соопштение порачаа дека е жално што и на денешниот голем празник, премиерот Груевски во својот говор, наместо да придонесе во афирмирање на идејата за заедништво и единство, не му влеа ни малку надеж на македонскиот народ кој сака да ја види Македонија земјата во ЕУ и НАТО.
„Груевски на Мечкин камен, голем дел од својот говор посвети на величење на лустрацијата што ја спроведува оваа власт како механизам за пресметка со неистомислениците.
– Не водејќи сметка за потребата од обединувачка порака и подавање рака како секоја сериозна власт, барем на овој ден, Илинден, како на партиски митинг, Груевски се реши и во овој говор да ја демонизира опозицијата, со низок партиски речник, на сметка на себевеличење. Со тоа, не одговори на обврската да настапи како премиер на сите граѓани на Македонија“, стои во соопштението на СДСМ.
СДСМ ги повика сите граѓани на Македонија, да се обединат околу идеалите на Илинден и АСНОМ, идеали на слободата за која копнееле генерациите во минатото, а ни е потребна и нам денес.