Вчера попладне 14.00 часот на булевар „АСНОМ“ во Скопје, полициски службеници од ЕВР Аеродром и Драчево го лишиле од слобода 20-годишниот Н.Д. од Скопје. Тој бил затекнат при обид да изврши кражба во црква во изградба, соопшти МВР.
Кај него биле пронајдени и одземени предмети поврзани со кривичното дело.
Тој бил приведен во полициска станица и со него бил извршен службен разговор. По целосно документирање на случајот против него ќе биде поднесена соодветна пријава по член 236 во врска со член 19 од Кривичниот законик, велат од МВР.