Се очекува претседателот во заминување вечерва преку видео што ќе биде објавено на социјалните мрежи и писмо во регионалниот печат, да ја објави својата кандидатура за втор претседателски мандат, јави дописникот на МИА.
Сите ја очекуваа оваа најава, но беше непознат само начинот на кој че биде објавена. Утринава Макрон ја потврди својата намера да се кандидира за втор мандат, конечно официјализирајќи ја својата кандидатура за претседателските избори во 2022 година.
Наместо говор од Елисејската палата во стилот на Шарл де Гол или Валери Жискар д’Естен, наместо во ТВ вести во живо како Франсоа Митеран или Никола Саркози; наместо спонатна декларација како Жак Ширак… Макрон се одлучи за „Писмо до Французите“, кое ќе биде објавено вечерва и ќе биде дистрибуирано во петок во сите наслови на регионалниот дневен печат. Како и видео, кое ќе биде објавено истовремено на социјалните мрежи.
Извор: МИА