Рускиот министер за одбрана Сергеј Шојгу денеска изјави дека продолжува нападот врз Украина.
Групацијата на вооружените сили на Руската Федерација продолжува да спроведува специјална воена операција додека не се постигнат зацртаните цели, наведе Шојгу.
Тој додаде дека најважно беше да се заштити Русиуја „од воената закана на западните земји, кои се обидуваат да го искористат украинскиот народ во борбата (против Русија)“.
Тој ја обвини Украина дека поставила неколку ракетни системи, топови и минофрлачи „во дворовите на станбените згради, во близина на училишта и градинки“.
Извор: МИА