Езерската полиција во Охрид рано изутрината ги пронајде и ги спаси двете момчиња кои синоќа на чамец носени од силните струи и ветрот исчезнаа во воденото простаранство на Охридското Езеро.
Тие околу 20 часот со гумен чамец влегле во Езерото, а петнаесетина минути подоцна во охридската полиција било пријалено нивното исчезнување, по што започнала интензивна потрага.
Очевидец ја информирал полицијата за правецот на движење на чамецот, но ноќта ја отежнала потрагата. Патролата на Езерската полиција по повеќечасовна потрага, рано изутрината во 5 часот ги нашла момчињата живи во близина на Св. Наум.