Инспектори на Обединетите нации ќе ја посетат Сирија со цел да ги проверат тврдењата дека при конфликтот во земјата се извшени три напади со хемиско оружје.
Портпаролот на ОН, Мартин Незирски изјави дека зелено светло за испитување на случајот било добиено по минатонеделаната посета на Дамаск на шефот за прашањата за разоружување на ОН Анџела Кејн и на раководителот на групата инспектори Оке Селстром.
Незирски нагласи дека инспекторите ќе го посетат населеното место Хан ал-Асал, во близина на Алепо, каде на 19 март според твдењата, бил употребен гасот сарин во нападот во кој загинале најмалку 30 лица.
Режимот на претседателот Башар ал Асад и бунтовниците меѓусебно е обвинуват за овој напад.