Шпанската полиција разби две илегални работилници, во кои обични автомобили биле трансформирани во луксузни возила како Ферари и Астон Мартин, а потоа ги продавале на интернет по цена од 40.000 евра.
Оригиналните автомобили на компаниите како Ферари и Астон Мартин чинат околу 200.000 евра.
Во акцијата се уапсени вкупно осум лица. Пет од нив се уапсени во Валенсија, во западниот дел на Шпанија, а три во Мадрид.
Работилниците биле во регионот на Валенсија, во селата Алгемеси и Албалат дел Сорелс. Конфискувани се 19 возила, 17 копии на Ферари и 2 на Астон Мартин.
Според полицијата возилата, продавани како луксузни, многу добро ги копирале оригиналите како во дизајнот, така и во однос на деталите на моторот. Сепак клиентите на криминалната група, биле информирани дека не купуваат оригинален автомобил.
Акцијата е спроведена по жалба на Ферари, откако забележале дека на Интернет се нуди имитација на еден од моделите на компанијата.