Украинската гранична стража издаде нови ограничувања поради зголемените стравувања дека руската инвазија би можела да биде неизбежна, јави ДПА.
Ограничувањата вклучуваат забрана за приближување кон границата во текот на ноќта, соопштија денеска властите.
Сега се забранети видео и фотоснимки од инсталации на граничната полиција, додека на странците веќе не им е дозволен пристап до граничната област во секое време.
На Црното и Азовското Море на југот на Украина, на бродовите им е забрането да го напуштаат пристаништето во текот на ноќните часови.
Извор: МИА