Рускиот претседател Владимир Путин изјави дека Русија ќе разговара со владите на одвоените територии и дека релацијата ќе биде воспоставена по преговорите.
„Тоа ќе биде направено во иднина“, рече тој.
Тој додаде дека е потпишан указот за употреба на армијата и надвор од границите на Русија, што значи дека ќе им помогне на тие републики и воено.
Путин рече дека Москва разговарала со западните земји и со ЕУ и дека за конфликтот не се разговара.
„Луѓето кои живеат во Стевастопољ самите одлучија да се отцепат од Украина, а јас неколку пати прашав како е тоа поразлично во однос на Косово“, праша тој.
Како што наведе, никој не ги терал луѓето (во Украина) да се отцепат со пушка, туку сами одлучиле.
„На референдумот со гласање одлучија што сакаат, никој не ги принуди на ништо со сила. Оние кои се гордеат цело време дека се демократи нека ја признаат ваквата одлука бидејќи тоа е највисок израз на демократијата – референдум“, заклучи Путин. .
Запрашан за Договорот од Минск, Путин рече дека тој повеќе не постои.
Зборувајќи за испраќање војска во ЛНР и ДНР, Путин појасни дека не кажал дека војската ќе влезе во тие две републики, туку дека тоа ќе зависи од ситуацијата на теренот.
Путин истакна дека од советско време, Украина има широки нуклеарни надлежности.
„Тие имаат нуклеарни централи и силна нуклеарна индустрија. Би било многу лесно за нив да развијат нуклеарно оружје“, посочи тој.
Путин рече дека на Украина и недостасува само можноста за збогатување на ураниум, но тоа е нешто што тие лесно можат да го решат.
„Која е заканата за Русија – ако Украина развие нуклеарно оружје. Русија мора да смета дека Москва ќе биде во дометот на нуклеарни проектили, а тоа е закана. Затоа мора да се справиме со тоа на овој начин“, рече Путин.