Генералниот секретар на ОН Антонио Гутереш го откажа патувањето во Демократска Република Конго планирано за утре„поради влошената ситуација во врска со Украина“, соопшти неговиот портпарол.
Гутереш изразил особена загриженост за извештаите за цивилни жртви во борбите меѓу сепаратистите поддржани од Москва и владините сили долж линијата на контакт во источна Украина и побара итен прекин на огнот, рече портпаролот.
ОН соопштија дека продолжуваат да ја поддржуваат независноста и суверенитетот на Украина во нејзините меѓународно признати граници при стравувањата од неизбежна руска инвазија.
Извор: МИА