Во сите основни и средни училишта во Србија, по распустот минатата недела, од утре ќе се применува настава во училиштата, одлучи Тимот за следење и координирање на примената на превентивните мерки во работата на училиштата, пренесуваат српските медиуми.
Според податоците на Институтот за јавно здравје на Србија „Д-р Милан Јовановиќ Батут“, во периодот од 9 до 17 февруари, бројот на болни деца на училишна возраст од 6 до 18 години изнесува 3.200 (0,42 отсто).
Во соопштението од Министерството за образование се додава дека учеството на децата на училишна возраст во вкупниот број потврдени случаи на Ковида-19 во истиот период изнесува 4,3 отсто.