Имиџот на Охрид како туристичка дестинација поради цените на услугите не е на високо ниво не само во Македонија туку и во регионот, вели градоначалникот Никола Бакрачески.
„Мое лично убедување е дека цените на угостителските услуги се нешто повисоки. Имаме недоволно изградени пакет аранжмани.Сметам дека имиџот на Охрид во овој момент е многу лош. Јавноста во Македонија и потенцијалните туристи сметаат дека угостителските услуги во Охрид се прескапи.
– И затоа ние мораме да превземеме одредени активности и мерки со кои ќе го подобрие имиџот. Затоа една од активностите треба да биде можноста за намалување на цените на угостителските услуги. И тоа е значаен чекор во менување на имиџот на Охрид како град со многу скапи услуги“, рече Бакрачески.
Советот на Охрид денеска разговараше на оваа тема, и беа разгледувани активностите кои треба да бидат превземени за да се подобри систуацијата на терен.
Охрид година се соочува со катастрофална туристичка сезона, и освен викендов речиси цело лето зјае празен.
Мики Трајковски
