Првите 100 дена од мандатот на градоначалничката Данела Арсовска се 100 дена на неработа, неспособност и оправдувања. 100 дена мандат на Арсовска, се 100 разочарувања за скопјани рече на прес конференција Дарио Николовски од СДСМ.
– Арсовска се откажа од 70 милиони евра и го прекина проектот Бас рапид транзит, најважниот проект за трансформација на јавниот превоз.Да работеше Арсовска наместо да бараше оправдувања, досега ќе го довршеше мостот на булевар АСНОМ, а мостот на „Љубљанска“ ќе беше при крај. Ако Арсовска работеше, ќе беше завршена и реконструкцијата на Универзална сала. Во време на криза со топлинска енергија, Арсовска се сокри од јавноста и се прогласи ненадлежна за проблемите со парно греење. Владата предводена од СДСМ го реши овој проблем додека Арсовска ги игнорираше барањата на граѓаните. Излажа дека се исчистени 150 депонии, а во секоја скопска општина се уште има неисчистени депонии и секојдневно никнуваат нови, вели Николовски.