Вработените во руската дипломатска мисија почнаа да ја напуштаат Украина, пренесуваат руските медиуми, повикувајќи се на неименуван, добро информиран, извор од Киев.
Според изјави на украински граѓани, руските дипломати и конзуларни службеници во Украина почнале да заминуваат за Русија, а за тоа сведочеле тешкотиите што настанувале при закажување термини во конзулатите и амбасадата.
Според соговорникот, во екот на официјално објавената евакуација од некои западни земји, ваквата постапка укажува на тоа дека и Москва одлучила да тргне по истиот пат.
Неколку западни земји ги повикаа своите граѓани да ја напуштат Украина откако односите меѓу Русија и Западот достигнаа највисоко ниво на тензија од Студената војна, поради ситуацијата околу Украина. Западот тврди дека Русија подготвува инвазија на Украина, додека Москва ги отфрла ваквите обвинувања и официјално побара гаранции дека НАТО нема да се прошири понатаму на исток.
Претседателоте на Русија и на САД, Владимир Путин и Џо Бајден денеска наутро по локално време во Вашингтон и доцна поладне по московско време ќе имаат телефонски разговор за кризта во Украина потврди портпаролот на Белата куќа. И Москва потврди дека на американска иницијатива ќе има нов разговор меѓу лидерите на двете земји.
Последниот телефонски разговор на Путин и Бајден беше на крајот од минатата година. Претходно на 7.декември разговараа преку видео-врска. Првата лице в лице средба се случи во Женева во јуни минатата година.