Вчера попладне во 14.38 часот во СВР Штип било пријавено дека на експресен пат Штип–Радовиш се случила сообраќајна несреќа помеѓу товарно возило „фолксваген крафтер“, со скопски регистарски ознаки, управувано од 30-годишниот Ј.Ј. од Скопје и товарно возило „цитроен берлинго“, со радовишки регистарски ознаки, управувано од 44-годишниот М.В. од Радовиш, информира МВР.
– На местото на несреќата починал возачот М.В., а смрт констатирал лекар од Итната медицинска помош. Со телесни повреди се здобиле возачот Ј.Ј. и сопатникот од истото возило А.Џ.(44) од Скопје, констатирани во Клиничката болница во Штип, соопшти Министерството за внатрешни работи.
Извршен бил увид од Јавен обвинител и увидна екипа од СВР Штип.