Автомобилските компании Форд и Тојота соопштија дека протестите во Канада против епидемиолошките мерки го нарушиле производството во канадските фабрики.
Тојота соопшти дека не очекува какво било производство до крајот на неделата во фабриката во Отава.
Поради голем број предизвици поврзани со производствените синџири, лошите временски услови и Ковид-19, Тојота продолжува да има недостиг што влијае на производството во нашите фабрики во Северна Америка, вклучително и во Канада, соопшти компанијата.
Тојота во Онтарио ги произведува РАВ 4 и неговата хибридна верзија, како и Лексус РХ 350 и РХ 450х.
Форд поради протестите ја затворија фабриката во Канада и соопшти дека се можни сериозни последици за северноамериканската автомобилска индустрија.
Повеќе од 200 камиони и други возила од 28 јануари ги блокираа улиците во центарот на Отава во знак на протест поради задолжителната вакцинација против Ковид-19.
Извор: МИА