Четворица мажи во Гостивар со палки и клоци претепале две жени

Од:

Основното јавно обвинителство во Гостивар до надлежниот суд поднесе Обвинителен предлог против четири лица за кривично дело насилство казниво по Кривичниот законик.

На 22.06.2021 година, четворицата жители на гостиварската населба Циглана, извршиле грубо насилство и ја загрозиле сигурноста, телесно повредувајќи две жени.

Откако една од жените дошла во дворот на еден од обвинетите за да го побара својот сопруг, обвинетиот 45-годишник ја нападнал, ја фатил за коса, ја турнал на земја и почнал да ја удира со клоци.

Му се приклучиле и останатите тројца обвинети, на возраст од 20, 31 и 22 години, удирајќи ја оштетената по целото тело.

Првиот обвинет зел и палка, па продолжил да ја удира. Во тој момент, кон оштетената тргнала уште една жена која сакала да и помогне, но обвинетите ја турнале и таа паднала во бессознание.

Поголем број сведоци на настанот исто така се почувствувале загрозени и повикале полиција.

Кога пристигнале, полициските службеници биле принудени да испукаат неколку проектили во воздух за да ги смират и оттргнат обвинетите. Двете жени во инцидентот се здобиле со телесни повреди.​​

Би можело да ве интересира

Извлечено тело на старец од Тополка, бил пријавен за исчезнат

63-годишник загина во сообраќајка во битолско, со автомобилот излетал од пат

Катерина Ѓуровски

Доживел срцев удар додека возел патник, почина таксист од Скопје

Ја киднапирале за пари – готово обвинението за убиството на Панче и Вања за четворица, таткото обвинет за помагање

Анита Петровска Рајковиќ

Лажеле повозрасни граѓани дека нивни блиски направиле сообраќајка и им земале пари – кривична за Бугарка и охриѓанец

Маж и жена од скопско со автомобил излетале во Крива Река, починале на лице место