„Јанчева и Шилегов трошеле десетици илјади денари по кафеани, а плаќале по фактури без тендер. На неколку дена пред Нова Година Љубица Јанчева како претседател на Совет од СДСМ и Петре Шилегов како градоначалник на Град Скопје од СДСМ потрошиле над 90.000 денари за гоштевање во кафеана. Тие фактурата ја доставиле за плаќање до секторот за финансии во Градот, иако им е укажано дека не можат да доставуваат фактури за сметки од угостителски објекти со кои претходно Градот нема склучено договор“, соопштува ВМРО-ДПМНЕ.
„Јанчева и Шилегов буквално без тендер исплатиле 90.000 денари кон кафеана за флаши виски кои ги пиеле и за бифтеци на путер.
Јанчева и Шилегов пиеле виски старо 12 години додека половина милион луѓе едвај врзуваат крај со крај.
Општините и Градот Скопје се донесени во незавидна положба од кадрите на СДСМ, а од СДСМ сега во страв напаѓаат зошто се свесни дека на виделина ќе излегуваат сите нивни криминали“, се наведува во соопштението на ВМРО-ДПМНЕ.