„Дали Снежана Калевска Ванчева ја злоупотребила функцијата за да нејзиното адвокатско друштво земе 55.000 евра тендери? Во период од 3 и пол години адвокатското друштво ДЕ ЛЕГЕ, каде сопственици се Снежана Калевска Ванчева од СДСМ и извесна Виолета Василева преку 5 државни институции по основ на месечни или повремени паушали во периодот од 2017 јуни до декември 2021 година, инкасирале околу 55.000 евра“, соопшти ВМРО-ДПМНЕ.
„Снежана Калеска – Ванчева е пратеникот од редовите на СДСМ. Па оттука прашуваме дали таа ја користела позицијата за нејзиното адвокатско друштво да добива тендери?
ДКСК треба да отвори случај во најкраток можен рок, и да утврди дали и како се кршел законот?!
Министерство за образование и наука, Национална агенција за европски образовни програми, Агенција за енергетика, Државен студентски центар и Агенција за странски инвестиции, се институциите на чии сметки е закачено адвокатското друштво ДЕ ЛЕГЕ.
Што е причината поради кое токму адвокатското друштво на Качевска Ванчева се јавува како адвокатско друштво ангажирано од споменатите институции?!“, се наведува во соопштението на ВМРО-ДПМНЕ.