Новиот бран коронавирус во Соединетите Американски Држави сè повеќе им наштетува на клубовите во НБА лигата, а во моментов најтешка е состојбата во редовите на Бруклин.
Еден од главните фаворити сезонава за освојување на титулата, заклучно со саботата пријави осум кошаркари во Ковид протоколот, меѓу кои и Џејмс Харден и Кевин Дурант.
Поради големите проблеми поврзани со позитивни играчи на коронавирус, раководството на Бруклин, како што јавија синоќа американските медиуми, забрзано преговара и потпишува десетдневни договори со повеќе кошаркари без ангажман.
Со ефект од 21 победа и осум порази, Бруклин е актуелен лидер во Источната конференција во НБА лигата.