Авторот на серијата книги „Песна за лед и оган“ Џорџ Р.Р. Мартин според кои е создадена серијата на HBO, „Game of Thrones“ преку блог објасни дека изгледот на Железниот трон во серијата воопшто не одговара на неговата замисла.
„Тронот на HBO стана иконски. Има неверојатен дизајн и одлично му послужи на шоуто. Но, сепак не е правилно направен. Тоа не е Железниот трон кој го замислувам додека ја пишувам The Winds of Winter. Тоа не е Железниот трон кој сакам читателите да го видат. Начинот на кој тронот е опишан во книгите е огромен, црн и извртен со стрмни скали однапред и високо седиште од каде кралот гледа долу кон сите во просторијата“.
Тој го опиша тронот како „грд и асиметричен“, а за да ја прикаже својата идеја објави цртеж подготвен од францускиот уметник Марк Симонети кој одговара на неговата замисла.
