Се очекува САД и ЕУ да објават „силна“ заедничка изјава за нивниот пристап кон Кина на состанокот закажан за денеска, што ќе потврди се поголемо приближување на ставовите за предизвиците со кои се соочува Пекинг, изјави висок американски функционер од Стејт департментот.
Американската заменичка државен секретар Венди Шерман и генералниот секретар на Европската служба за надворешни работи Стефано Санино денеска ќе копретседаваат со вториот дијалог меѓу САД и ЕУ за Кина и консултациите на високо ниво за Индо-Пацификот в петок, соопшти Стејт департментот.
Европската комисија денеска ја објави новата европска инвестициска стратегија „Глобал Гетвеј“, која ќе финансира проекти ширум светот во областа на зелената и дигиталната транзиција, енергетската и транспортната инфраструктура, како и зајакнувањето на областите на здравството, образованието и истражувањето.