Со цел поголема транспарентност, подобрена комуникација и интерактивност, квалитетна услуга и информираност Општина Илинден го реализира проектот „Прашајте го вашиот градоначалник“.
Со новата алатка која е постирана на веб страницата на Општина Илинден „Прашајте го вашиот градоначалник“ директно може да поставите прашање до градоначалникот Жика Стојановски за својот конкретен проблем, идеа или предлог проекти, како и нова иницијатива.
Постапката е едноставна и лесна, појаснуваат од општина Илинден, само со внесување на вашето име и презиме, како и маил адреса и ќе добиете одговор на бараното прашањето.
– Јакнењето и поддршката на процесите на јавно и транспарентно работење, информирање и обезбедување пристап на граѓаните во одлучувањето, и натаму ќе претставуваат трајна определба на Општина Илинден во создавањето на ефикасна, ефективна и транспарентна Локална самоуправа во согласност со очекувањата и потребите на граѓаните, стои во соопштението од Општина Илинден.