Делегација на СДСМ, предводена од претседателот Зоран Заев, денеска се сретна со раководството на Обединетата Македонска Дијаспора, предводено од претседателот Мето Колоски.
На средбата се разговараше за актуелните случувања и политички теми, а беше акцентирана важноста на градењето консензус по однос на важните прашања за земјава, особено во контекст на евро-атлантските интеграции.
Претседателот на ОМД, Колоски, се заложи за активно учество на претставници на СДСМ на четвртата глобална конференција на ОМД во Скопје, која ќе се одржи од 24 до 27 јули.
Претседателот Заев посочи дека СДСМ е подготвен за реализирање конкретни чекори за продлабочување на соработката со македонското иселеништво во наредниот период, како и можности за остварување средби и во иднина, соопшти СДСМ.
