Досегашната парламентарна опозиција во македонското собрание, со освоените 24 од вкупно 45 советници во Град Скопје на последните Локални избори 2021, обезбеди апсолутно мнозинство во Советот на град Скопје, соопшти ВМРО-ДПМНЕ.
„Новото градско мнозинство ќе функционира по принципот на конкретна соработка на точно одредени програмски проекти кои се во јавен интерес на народот и исклучиво за доброто на локалните жители и на месното население. Со ова, обзнануваме дека актуелната владина коалиција на СДС и ДУИ ќе биде опозиција во градот Скопје. Следуваат многу подобри денови во раководењето со градот, во корист на сите жители на Град Скопје и на неговите општини“, соопшти ВМРО-ДПМНЕ.