Полициската управа на Љубљана соопшти дека во текот на денешниот протест се забележани преку 300 прекршоци и осум кривични дела.
Меѓу другото, соопштено е дека непознат сторител вперил ласерски зрак кон полициски хеликоптер на плоштадот Република, во строгиот центар на Љубљана, а еден од пилотите се здобил со повреда на очите.
Според полициската управа тоа претставува сериозна опасност по безбедноста на воздушниот сообраќај.
„Во конкретниот случај, еден од пилотите се здобил со повреда на очите и побарал лекарска помош, но се уште не е позната сериозноста на повредата“, изјави портпаролот на полициската управа.
Освен пилотот, на протестите полесно се повредени уште двајца полицајци.