Голем број печалбари веќе се вратени во нивните родни местапоследните денови, со што видливо се зголеми бројот на автомобилите во сообраќајот низ улиците на Кичево.
Овој град веќе со години го има како голем проблем паркирањето, но овие донови тој е поголем, имајќи предвид дека дел од градот сè уште е блокиран за автомобилите поради работите за реконструкција на булеварот. Граѓаните велат дека бројот на автомобилите низ градот од ден на ден се зголемува, повеќе од половинатаод печалбарите сè уште не се дојдени, а паркинзите веќе не се доволни.
„Имаме голема потреба за нови паркинзи. Треба да се најде решение. Кичево е мал град, но има многу автомобили и кога не се печалбарите овде, а да не зборуваме сега кога веќе почнаа да доаѓаат“, вели Беџет А., граѓанин.
„Секој ден околу половина час правам кругови низ градот за да најдам место каде да ја оставам колата. Некогаш треба да ја оставам многу далеку од местото каде што имам работа, но доволно ми е само да најдам место“, изјави штотуку вратениот од Америка Јетмир М.
Од Општината тврдат дека ова прашање ќе се дискутира во иднина и ќе се најде решение. Неофицијално,Општината планира нови паркинзи, од кои дел во летната сезона ќе бидат наменети само за автомобилите на печалбарите.
Fatlume Dervishi