Гори подрум на зграда на улицата „23 Октомври“ во скопски Аеродром. Скопската противпожарна бригада е веќе на терен, а командантот Владимир Симоновски за „А1он“ вели дека повредени нема и пожарот е под контрола.
„На терен се две возила со осуммина пожарникари и огнот е веќе под контрола. Се уште чади, но пожарот е локализиран. Се запалиле две подрумски простории во зградата. Веќе нема опасност пожарот да се прошири на погорните катови“, рече командантот Симоновски.
Тој нагласи дека пожари во подрумските простории најчесто се случуваат поради застарена електрична инсталација, како и поради тоа што се пренатрупани. Причините за овој пожар допрва ќе се утврдуваат.