Американскиот разурнувач „Винстон Черчил“ вплови со албанското пристаниште Драч, каде ќе биде вкотвен до сабота, пренесе албанската агенција АТА.
Повикувајќи се на неименувани извори од врвот на албанската морнарица, агенцијата наведува дека овој американски воен брод впловил во Драч вчера попладне и дека ќе остане до сабота, за кога е планирана заедничка воена вежба на морнариците на Албанија и САД.
Албанската агенција потсетува дека пристаништето Драч на почетокот на годината прими неколку воени бродови од земји членки на НАТО.
Албанија стана членка на НАТО во 2009 година.