Германскиот производител на автомобили „Опел“ го претстави моделот Инсигниа Кантри Туриер со погон на сите тркала. Караванската изведба на Инсигниа досега претставуваше практично возило, но Кантри верзијата ќе ги направи и излетите во природа вистинско ужување.
Инсигниа Кантри Туриер доаѓа со повисока шасија, погон на сите тркала и пластики на тркалата за заштита од гребнатини. Новиот караван од Опел ќе биде достапен со три мотори, од кои 2,0 литарскиот СИДИ бензински мотор со 250 коњски сили и 2,0 литарскиот ЦДТИ мотор со 195 или 163 коњски сили.
Инсигниа е поткрената за 2 сантиметри, што треба да го подобри возењето на нерамна подлога. Погонот на сите тркала е електричен со Халдекс спојка, а електричната контрола на диференцијалот треба да обезбеди подобро држење на патот.
Премиерата ќе биде на Саемот на автомобили во Франкфурт во септември годинава, кога ќе биде позната и цената.