Плејмејкерот на македонската кошаркарска репрезентација, Кристијан Николов, очекува победа на денешниот дуел со Словачка во претквалификациите за Светското првенство 2023. Во остварување на целта тој смета на поддршка од трибините.
– Знаеме со што располагаат Словаците. Вчера ги гледавме на средбата со Швајцарија. Ги знаеме нивните силни страни. Знаеме дека играат агресивна кошарка. Но, исто така знаеме што треба да правиме со нив. Сигурно дека ќе влеземе силно, мотивирано, без никакви притисок на овој натпревар. Ќе дадеме сè од себе и се надевам дека ќе оствариме позитивен резултат. Ова ќе биде и првиот официјален меч по подолго време, на кој ќе биде дозволено присуство на публика и се надевам дека навивачите ќе ги има во поголем број. Многу ќе ни значи нивната поддршка во обидот да направиме позитивен резултат, истакна Николов.
Натпреварот се игра вечер со почеток во 19 часот во СЦ „Јане Сандански“.