Во текот на изминатото деноноќие во активностите за гасење и превенирање на пожарите на територијата на државата од страна на Министерството за внатрешни работи биле ангажирани 501 полициски службеник, реализирани 197 мото-патроли и користени 144 моторни возила.
Од МВР информираат дека деноноќно на терен се и припадниците на сите специјални единици на полицијата: Специјалната антитерористичка единица „Тигар“, Единицата за брзо распоредување и Посебната единица за поддршка, кои несебично помагаат во гасење на пожарите.
Во денешното соопштение МВР повторно апелира строго да се почитува забраната за движење во шумските предели, граѓаните максимално да се воздржат од палење огнови, отпадоци, меѓи и стрништа на нивите, да не се фрлаат неизгаснати догорчиња и да не оставаат стаклени шишиња или други предмети, кои подолго време изложени на сонце, можат да предизвикаат пожар.
-Неопходна е максимална будност и целосно одговорно однесување на секој поединец, порачува МВР.