Утрово во 4 часот и 20 минути е направен обид за палење на ЛГБТ центарот со бензин во Стара Чаршија. Според направениот увид, непознати лица се качиле на покривот на Центарот, при што извадиле неколку керамиди од покривот и посипале бензин, потпалувајќи ги штиците на покривот.
Уранија Пировска од Хелсиншки комитет за А1он изјави дека случајот е пријавен од непознато лице.
– Не знаеме за колкав број на лица се работи, бидејќи нашите камери немаат регистирано ништо. Очигледно дека сторителите се качиле од задната страна на Центарот, за да не ги фатат камерите. Направена е штета од два метри квадратни на покривот. Случајот го пријавивме во полиција – изјави Пировска.
Обидот за палење на ЛГБТ центарот следува по само десетина дена откако 40-тина маскирани лица го нападнаа нивното седиште, во кој беше повреден и еден полицаец.
Во текот на крајот на минатиот месец, ЛГБТ заедницата беше предмет на критика и напади од контра геј демонстранти, кои протестираа против непостоечка геј парада.
Петар Клинчарски