Во повеќе региони во земјава активни се пожари на кои се делува со сите расположиви сили, изјави денеска Горан Стојановски од Центарот за управување со кризи. Најкритично е со пожарите на територијата на општините Делчево, Пехчево и Берово, каде делуваат три хеликоптери.
Нов пожар се заканува во атарот на селото Робово кај Берово. Во текот на ноќта постоеше опасност пожарот од Свети Николе да се префрли во правец на Штип, но бил локалзииран. Но, од утрово, поради силниот ветер, постои опасност од ширење на пожарот кон Карбинци.
Во Прилеп активни се пожарите кај Топлица, Ракле и Никодин каде се испратени голем број на пешадиски сили на АРМ. Активен е и пожарот кај Молане.
Во општина Куманово кај Бељаковце делува еден хеликоптер. Тука е активен пожарот од вчера и делуваат повеќе од 80 војници и пожарникари. Се очекува во текот на денот овој пожар да биде ставен под контрола.
Во општините Ранковце и Крива Паланка активен е еден пожар каде се испратени дополнителни сили од 60 војници. Во Валандово активен е помал пожар кој е под контрола.
Во Скопско вчера имаше 18 активни поќари, од кои 17 биле изгасени, а тој кај Сарај уште не е ставен целосно под контрола.