Поради пожарот што избувна вчера на Родос, поголемиот дел од овој грчки остров остана без електрична енергија.
Пожарот може да се прошири и на познатата „Долина на пеперутките“, воената база Каламон и селото Псинтос, од каде што сите беа евакуирани.
Пожарникарите ги повикаа и жителите на околните села и населби да се евакуираат, бидејќи пожарот може брзо да се прошири, пренесуваат грчките медиуми.
Пожарот предизвика прекин на електричната енергија во поголемиот дел од островот, а услугите на мобилните оператори беа прекинати, а некои жители пријавија дека немаат вода за пиење.
Пожарот го гаснат два авиони и три хеликоптери од воздух.
Високите температури и силниот ветер го шират огнот и во други делови на Грција. Од саботата се шири шумски пожар на Пелопонез, а жителите на неколку села се евакуирани.
Од безбедносни причини, делови од автопатот од Патра до Коринт се затворени.