Четворица пожарникари со само еден камион успеаја да изгаснат пожар на тешко пристапен терен во шумскиот предел над тетовско Гајре. Интервенцијата е извршена во периодот од 13 до 14 часот и 30 минути и на тој начин е спречно да стигне до првите објекти на селото, информираат од противпожарната служба.
– За да се спречи ширење на овој пожар спроведувани беа црева од камионите низ шумата до местата каде имаше оган и на тој начин се стигна до непристапниот терен, информираат тетовските пожарникари.
Денеска тетовските пожарникари интервернирале и на пожар во атарот на Брвеница и во близина на основно училиште во Тетово.
Изминатиот период голем број пожари беа изгаснасти низ полошките ниви, каде изгореа десетици хектари пченица и други земјоделски култури.
