Холандија изминатата недела беше домаќин на интересно фудбалско првенство „РобоКуп 2013“, на кое учествуваа 2.500 „роботски“ екипи од 40 земји.
Роботите се натпреваруваа во неколкукатегории како што се мали, големи и хуманоидни роботи. Конечна цел на организаторите е во иднина роботите да победат во натпревар против човечки противници, а според програмерите цел за тоа е 2050 година.
Доколку се земе во предвид развојот на знаењето и технологијата голем број експерти предвидуваат дека вештачката интелегенција многу брзо би можела да ја надмине човековата интелегенција, а со тоа и роботите да победат во фудбалски натпревар со луѓе.
– Сепак, моменталната интелегенција на роботите е на ниво што без проблеми би можеле да ги победат тригодишници, изјави за „Гардијан“ Марсел Мишури, кој ја води екипата НимбРО.
Роботите меѓусебно комуницираат преку Ви-Фи, а програмерите не може да влијаат на играта откако ќе почне натпреварот, освен за замени, доколку некој од роботите се расипе или треба да биде исклучен поради прекршок.
