Во Србија во изминатите 24 часа се потврдени 202 нови случаи на Ковид-19, од вкупно 8.853 тестирања, а тројца пациенти починале, соопштија здравствените власти.
Во моментов во земјата се хоспитализирани 323 пациенти, од кои десетмина се на респиратор.
Од почетокот на пандемијата, во земјата од Ковид-19 починаа 7.098 луѓе, а заразени се 719.664.
Српскиот Стручен комитет за имунизација одржа седница на која е донесена препорака за примање на трета доза од вакцината против коронавирусот.
Се препорачува таа да се дава најмалку шест месеци по втората доза, а третата доза да биде мРНК вакцина, какви што се препаратите на Фајзер и Модерна, кои треба да пристигнат во земјата во октомври.